BVSA Rekenmeesters se top drie wenke vir jou nuwe besigheid
BVSA is ’n toonaangewende rekenmeestersfirma met takke regoor die land, insluitend ’n tak in Bredasdorp. Bredasdorp tak-direkteur, Vincent Berends, het ’n passie vir belasting en besigheid en deel hier van sy top wenke met nuwe besigheidseienaars. Ons vertrou dat hierdie drie wenke ’n positiewe impak op jou besigheid en belasting sal hê:
Gepaste besigheidstruktuur
Raadpleeg ’n geoktrooieerde rekenmeester vir advies oor die ideale besigheidstruktuur vir jou besigheid met jou toekomsplanne in gedagte. Die verkeerde struktuur kan jou duur te staan kom in die langtermyn – nie net in terme van belastings nie, maar ook in terme van risiko en ander potensiële gevare. Alle transaksies het altyd onderlinge belastingimplikasies waarvoor daar vooraf beplan moet word.
Skei jou besigheidstransaksies van jou persoonlike sake
Onttrek slegs die noodsaaklike salaris vir jou persoonlike behoeftes en laat soveel wins moontlik oor in die besigheid. Raadpleeg ’n geakkrediteerde belastingpraktisyn om te verseker dat jy binne die raamwerk van die wet die minste moontlike belasting (persoonlik en besigheid) betaal, sodat die maksimum kontant ná belasting behou kan word vir besigheidsgroei.
Raadpleeg ’n geakkrediteerde rekenmeester voor jy groot finansiële besluit neem
Dit sluit in aankope soos bates en hul finansieringsmetodes. Moenie blindelings die eerste beskikbare krediet-opsie oorweeg nie – oorweeg alle kostes, risiko’s en voordele saam met jou adviseur.
’n Geoktrooieerde rekenmeester kyk verder as net die syfers. Ons vorm ’n vennootskap met jou en jou besigheid om dit finansieel sterk en gesond te hou. Onthou, as entrepreneur neem jy ’n groter risiko as iemand wat vir ’n vaste salaris werk, maar jou potensiële belonings kan ook veel groter wees.
Jou besigheid is nie net ’n tydelike strewe nie, maar ’n lewenslange verbintenis wat jou sal toelaat om ’n verskil te maak in jou eie lewe, jou familie en die gemeenskap. Kontak gerus enige van BVSA se tak-direkteure vir die beste besigheidsadvies.
BVSA – meer as net syfers!
Www.bvsa.co.za | info@bvsa.ltd
